TERESS -Ը 4 ՏԱՐԵԿԱՆ Է. ՓԱԿ ԲՐԱՆՉ՝  PANATSEA CAFE & RESTAURANT-ՈՒՄ

Օրերս,  PANATSEA CAFE & RESTAURANT-ՈՒՄ տեղի ունեցավ Teress brand-ի փակ բրանչը, որտեղ բլոգերներին և հարազատ մարդկանց Թերեզա Ղարաբաղցյանը հրավիրել էր նշելու  Teress -ի  գործունեության 4 տարին: Ի դեպ, այս օրը Թերեզան նշում էր նաև իր  տարեդարձը:

Միշտ էլ ասել եմ, որ բրանչ ասվածը շատ եմ սիրում, քանի որ կարողանում ես ջերմ մթնոլորտում շփվել մտերիմների հետ. այս անգամ քննարկեցինք Teress -ի անցած ճանապարհը և հետագա պլանները:

Թերեզան շնորհակալություն հայտնեց մեր ներկայության համար, պատմեց բրենդի ստեղծման մասին, ինպես նաև ներկայացրեց, թե ինչ կարելի է հագնել այս սեզոնին.

«Teress -ը այն կանանց համար է, ովքեր չեն վախենում տարբերվել և լինել ինքնատիպ. ցանկացած հագուստի մեջ ես փորձել եմ դրսևորել  ու փոխանցել իմ էմոցիաները: Ի դեպ,  առաջիկայում պատրաստում եմ նոր ֆոտոշութ ներկայացնել, որը կլինի ռետրո ոճում»  , – ասաց բրենդի հիմնադիր , դիզայներ Թերեզա Ղարաբաղցյանը:

Դե ինչ, շնորհավորում եմ Թերեզային և հպարտ եմ, որ   հայ դիզայներները ներկայացնելով հայկական արտադրանք՝  նորաձևության մեջ կարողանում են  թելադրել նոր ոճ ու ձեռագիր: