«ՄԻՔԱՅԵԼ ՈՍԿԱՆՅԱՆ ԵՎ ԸՆԿԵՐՆԵՐ» ԽՄԲԻ ԱՐՎԵՍՏԻ ՆՈՐ ԳԼՈՒԽԳՈՐԾՈՑԸ՝ «ԱՆՔՆՈՒԹՅԱՆ ՊԱՐԸ»

 

«Միքայել Ոսկանյան և  ընկերներ» խմբի (MVF Band) նոր երգն ու  տեսահոլովակն արդեն պատրաստ են՝ «ԱՆՔՆՈՒԹՅԱՆ ՊԱՐԸ»  … Այն հետաքրքիր ու տարբերվող համագործակցություն է «Հովեր» կամերային երգչախմբի հետ:

Այս տեսահոլովակի միտքը թառահար Միքայել Ոսկանյանի  կնոջ՝ ռեժիսոր, պրոդյուսեր Լուսին Արցախիի մտահաղացումն է: Հոլովակը բավականին աշխատատար է եղել, այդ իսկ պատճառով նկարահանումները տևել  են մոտ երկու տարի:

Նշեմ նաև,   որ  հոլովակի  ռեժիսորը՝ Նելլի Օսիպյանն է, իսկ  պրոդյուսերը և երկրորդ ռեսժիսորը՝ Լուսին Արցախինը: Տեսահոլովակում օգտագործված են 11-12 վայր՝ Սևանից մինչև Երևանի լքված գործարաններն ու ավազի հանքը:

Միքայելը նշում է, որ որևէ այլ աջակցություն չի եղել, ամբողջն իրականացրել են իրենց ուժերով:

«Մեր ասպարեզում  մենք փորձել ենք հանդես գալ նորովի. նոր որակ, նոր գույներ ու  մտքեր: Այս երաժշտությամբ մենք ցանկանում ենք փոխել մարդկանց պատկերացումը  հայկական երաժշտության և տեսահոլովակների մասին: Մենք այս տեսահոլովակին մոտեցել ենք արվեստի տեսանկյունից,  ոչ թե կոմերցիայի»:

Դե ինչ, ինչպես թառահար Միքայելն ու նրա կինն են նշում, նրանք ցանկանում են ցույց տալ, որ Հայաստանում ստեղծվում է նաև այս տեսակի երաժշտություն, և որ այս տեսակի արվեստ իրականում կա: