ԵԹԵ ԳԱՌԱՆ ՄԻՍ ԵՔ ՓՈՐՁԵԼ ԵՎ ՉԵՔ ՀԱՎԱՆԵԼ, ԴԱ ՊԱՐԶԱՊԵՍ ՎԱՏ ՆԱԽԱԴԵՊ Է ԵՂԵԼ ՁԵՐ ԿՅԱՆՔՈՒՄ. #ԳաՌուն

Չեք հավատա, բայց ես պատկանում եմ այն աղջիկների դասին, ովքեր սիրում են ուտել-խմելու պրոցեսը, սիրում են ոչ ձևական ուտեստներ, այլ , ինչու ոչ, գառան միս ևս… վերջին շրջանում այսքան մեծ արձագանք ունեցած ու ունեցող #ԳաՌուն  արշավը սկզբում զարմացրած, իսկ հիմա հիացմունք առաջացրած աշրավի մասին որոշեցի խոսել   MBG Hospitality ընկերության  PR մենեջեր Աննա Սալոմեի հետ, ով հենց այս արշավի շրջանակներում էլ պարզեց, որ շատ է սիրում գառան միս ուտել: 

– Ողջույն Աննա…

– #Գառուն. ո՞րն է այս բառի և արշավի հիմնական նպատակը, ինչպե՞ս է ծնվել այս միտքը:

– #ԳաՌուն -ը ստեղծելու միտքը ծնվել է այն պահին, երբ մենք՝ MBG Hospitality ընկերության մարքեթինգի աշխատակիցներով, հերթական հանդիպում-քննարկումներից մեկի ժամանակ, զարմացած փաստեցինք, որ  բոլորս էլ սիրում ենք գառան միս: Հետո,  երբ արդեն պարզեցինք, որ դա պարզապես զուգադիպություն չէր, և որ գառան մսի սիրահարներն իրականում բավականին մեծաքանակ են՝ հակառակ մեր ենթադրությունների, որոշեցինք վերցնել մեր ուսերին գառան մսով կերակրատեսակները հանրայնացնելու գործը:

–  Գառան մսից պատրաստված ի՞նչ ուտեստներ եք առաջարկում, որ կարող ենք գտնել միայն ձեր ռեստորաններում:

– #ԳաՌուն –ի շրջանակներում, հաշվի առնելով մեր յուրաքանչյուր ռեստորանի առանձնահատկությունը և հիմնական կոնցեպտը, ստեղծել ենք յուրահատուկ կերակրատեսակներ գառան մսից՝ սազական հենց այդ խոհանոցին: Եթե Ալյասկայում կարող եք փորձել գառան մեջք, գառան մատներ, ապա հայկական խոհանոցով Չինար ռեստորանում մենք Ձեզ կառաջարկենք, օրինակ, խուրջին՝  թարխունով կամ գառան ազդր հաճարով և սնկով: Առաջարկն, իսկապես, բազմազան է ու պիտի ասեմ, որ անգամ մարդիկ, ովքեր կարծում էին, որ գառան միս չեն սիրում, վերանայել են իրենց հայացքները՝  մեզ մոտ հյուրընկալվելուց և #գաՌուն -ի հատուկ մենյուից որևէ բան փորձելուց հետո:

– Աննա՛, հետաքրքիր է, մինչ արշավի սկսելը, ինքդ ուտու՞մ էիր գառան միս, թե քեզ նույնպես մոտիվացրել է թրենդը, որն ինքներդ եք ստեղծել։

– Մինչ այս նախաձեռնությունը, եթե անկեղծ լինեմ, միայն հայկական ավանդական խաշլաման եմ փորձել, այն էլ մատաղի տեսքով: Այսինքն, երբեք գառան միս չեմ կերել իմ նախաձեռնությամբ: Բայց, բոլորովին վերջերս, երբ Հայաստան էին ժամանել միջազգային շատ հայտնի լրատվամիջոցի աշխատակիցները՝ նկարահանելու հայկական խոհանոցին նվիրված հատուկ հոլովակ, կազմակերպեցինք պտուտակի վրա պատրաստվող գառի հյուրասիրություն ու բնականաբար, ինքս էլ փորձեցի: Անչափ համեղ էր՝ անկեղծ եմ ասում: )))

Դրանից հետո,  վստահաբար ինքս պրոպագանդում եմ: Թրենդը նպաստում է պարզապես շատ անդրադառնալ այս թեմային, քանի որ ցանկացած գրառումիցս հետո մեծ քանակությամբ մարդիկ ամենատարբեր բնույթի հարցեր են տալիս և’ գառան մսի, և մեր առաջարկած հատուկ մենյուի մասին:

Ո՞րն է MBG Hospitality -ի հաջորդ նախաձեռնությունը, հնարավո՞ր է, որ գառանը փոխարինի, օրինակ, խոզի միսը:

-Նախաձեռնություններ շատ ունենք, բայց դրանք տարաբնույթ են, և ոչ բոլորն են ֆուդ-թրենդ ձևավորելուն միտված: Մենք, որպես ոլորտում գործող մեծ ընկերություն, խիստ պատասխանատու ենք վերաբերում հայաստանյան ռեստորանային բիզնեսում որևէ բան փոխելու գործին: Ուստի , առաջիկա ծրագրերի մասին դեռևս կխոսենք. դրանք շատ են: Այս պահին միայն ասեմ, որ մինչև տարեվերջ Երևանում կունենանք նոր ռեստորաններ:

– Գիտեմ նաև, որ այս արշավին մասնակից եք դարձրել հայտնի մարդկանց…ի՞նչ տպավորություններ ունեն:

-Օյ, սա բավականին հետաքրքիր թեմա է: Իմ ընկերներից, բարեկամներից շատերն էին պնդում, որ չեն սիրում գառան միս, կամ որ գառան սիրահար չեն, կամ որ վստահ չեն, որ կուզեին փորձել:

Ես բոլոր առարկություններին կամ վարանումներին մեկ պատասխան ունեմ.

«Եթե գառան միս եք փորձել և չեք հավանել, դա պարզապես վատ նախադեպ է եղել Ձեր կյանքում) թույլ տվեք կոտրել այդ կարծրատիպը»:

Հայաստանյան սիրված և ճանաչված մարդկանց արձագանքը մեր գառան հատուկ մենյուին ծանոթանալուց և համտեսից հետո կարող եք տեսնել մեր ռեստորանների ֆեյսբուքյան էջերում: Ֆաինան ու Արամը Նիկոլյան, պարզվեց, որ գառան մսի մեծ սիրահար են, Նատան Բրետել, ով Ավտրալիայում է ապրում և հաճախակի է լինում նաև Նոր Զելանդիայում՝ հայտնի ամենահամեղ գառան մսով, վստահեցրեց, որ մեր առաջարկը մրցունակ է անգամ նորզելանդական մսի հետ: Դե, իսկ մյուսների կարծիքին ինքներդ կարող եք ծանոթանալ արդեն ֆեյսբուքում:

-Վերջում, Ձեր խորհուրդը, ինչու՞ պետք է ուտել գառան միս, ո՞րն է նրա օգտակար հատկութկությունները:

– Գառան միսն , իսկապես,  օգտակար հատկություններով հարուստ միս է՝ դա բոլորին է հայտնի. այն նպաստում է մարդու առողջության պահպանմանը: Գառան միսը հեշտ յուրացվող սպիտակուցներ և վիտամինների հրաշալի աղբյուր է: Այն բարենպաստ ազդեցություն է թողնում սրտանոթային համակարգի վրա, բարձրացնում է հեմոգլոբինի մակարդակը: Բացի այդ, պարունակում է մի շարք E B խմբի վիտամիններ B1 B2 B3 B12 մակրոտարրեր և միկրոտարրեր՝ կալցիում, կալիում, երկաթ, մագնիում, նատրիում, ֆոսֆոր և այլն:

#գաՌուն մենյուի՝ գառան մսով մեր հատուկ կերակրատեսակները ոչ թե «կարելի է փորձել», որովհետև գառան միսն օգտակար է, այլ պետք է փորձել, քանի որ դրանք պարզապես շատ համեղ են:

Նշեմ , որ Գառան մսից պատրաստվող այս ուտեստները կարող եք համտեսել  MBG Hospitality ընկերության կողմից առաջարկվող ցանկացած ռեստորանում:

https://www.facebook.com/mbghospitality/

Հեռ. – 055 002031